IV CONCURSO LITERARIO DINAMIZAESTRADA

Está en marcha a cuarta edición do Concurso de microrelatos e micropoemas organizada por DINAMIZAESTRADA, Equipos de Dinamización Lingüística dos Centros Educativos da Estrada. Este ano as palabras escollidas foron: VERÁN, para os relatos, e VENTO para os micropoemas, en homenaxe aos títulos do autor escollido neste 2017 para as Letras Galegas, Carlos Casares. Aí podes ler, descargar, imprimir... as bases do certame. ANÍMATE E PARTICIPA!!!

Bases IV Concurso de Microrrelatos e Micropoemas by elogolosada on Scribd

As imaxes da 3ª Festa das Palabras no Principal da Estrada

O pasado 26 de maio, un abarrotado Teatro Principal da Estrada acolleu a III Edición da Festa das Palabras na que se entregaban os premios do Concurso de microrrelatos e micropoemas organizados polos EDL dos centros educativos da Estrada, DINAMIZAESTRADA.
A presentación correu a cargo do alumnado do IES nº Un, e a banda sonora correspondeulle ao grupo Nai, que fixeron as delicias dos asistentes.
Foi tamén moi aplaudido o padriño desta nova xeración de xoves creadores, o mestre e escritor David Otero, que non se cansou de asinar libros... 
Aí quedan as mellores imaxes da xornada, realizadas por Jano Sanmartín. Parabéns a todos. Para ver todas as fotos pincha aquí: Fotos 3ª Festa das Palabras.

Fin de festa con todos os premiados e premiadas no escenario

PRESÉNTASE A III FESTA DAS PALABRAS.

Onte venres presentouse, no Concello da Estrada, a 3º Edición da Festa das Palabras, organizada polos Equipos de Dinamización Lingüística, DINAMIZAESTRADA, e que conta coa colaboracón do Concello. No acto estaban presentes representantes dos EDL dos centros educativos e o Concelleiro de Cultura, Juan Constenla.

Desctacouse a importancia da actividade para a dinamización da lingua entre a comunidade educativa, así como o valor desta iniciativa realizada de xeito conxunto entre todos os centros educativos do Concello da Estrada.

Deuse a coñecer tamén o padriño desta nova edición, que neste caso será o escritor e profesor estradense, David Otero. A parte musical da festa correrá a cargo do grupo NAI.
A data de celebración do evento será o próximo xoves 26 de maio, ás 20:30 no Teatro Principal da Estrada, e no mesmo serán entregados os premios aos 62 rapaces e rapazas gañadoras nesta edición do III Concurso de micropoemas e microrrelatos, que neste ano de Manuel María  debían incluír as palabras ORBALLO e GAIOLA respectivamente.

Tamén se presentou o libro no que se recollerán os traballos gañadores, cuxa portada e marcapáxinas foron realizados pola deseñadora estradense Rosa de Cabanas. A publicación inclúe, nesta ocasión 14 ilustración realizadas polo alumnado de infantil dos sete colexios de primaria da Estrada.

Aí queda a imaxe das/os profes e do concelleiro posando co libro e demais material editado.

Estades todos e todas convidados á III Festa das Palabras.

A presentación na prensa:

Faro de Vigo

La Voz de Galicia

Fallados os premios do Concurso de microrrelatos e micropoemas dos centros educativos da estrada.

Publicamos a actas xurado do III Concurso de micropoemas e microrrelatos dos Centros de Ensino da Estrada. A reunión do mesmo tivo lugar o pasado martes, 5 de abril, no CEIP Pérez Viondi, e na mesma participaron representantes dos Equipos de Dinamización Lingüística de todos os centros do concelllo:CEIP Villar Paramá, CEIP Pérez Viondi, CEIP Cabada Vázquez, CPR Plurilingüe N. Sra. de Lourdes, CEIP Plurilingüe de Oca, CEIP do Foxo, CEIP de Figueiroa, IES nº Un, IES Manuel García Barros e IES Antón Losada Diéguez.

O certame dá continuidade ao proxecto iniciado o curso 2013-14 e convocou a todo o alumnado estradense á realización de micropoemas e microrelatos. Nesta ocasión microrrelatos debían conter a palabra GAIOLA, e os micropoemas a palabra ORBALLO. O proceso de elección tivo lugar no primeiro trimestre deste curso, e no mesmo participou o alumnado e o profesorado dos Equipos de Dinamización Lingüística de todos os centros. As palabras escollidas debían aparecer nalgún dos títulos das obras do autor ao que se dedica este ano o Día das Letras Galegas, Manuel María.

Neste segundo trimestre procedeuse á recollida de traballos e ao fallo do concurso, mentras que no terceiro trimestre, a finais de maio, terá lugar a entrega de premios e a presentación do libro cos textos gañadores. Para isto contarase, unha vez máis, coa colaboración do Concello da Estrada.

Podes consultar e descargar a acta e a listaxe de premiados e premiadas aquí:

Acta Do Xurado Do III Concurso de Micropoemas e Microrrelatos. Dinamizaestrada. Equipos de Normalización Li... by elogolosada

A noticia foi recollida na prensa escrita:

 

 El Corrreo Gallego

  

La Voz de Galicia 

 

 

Faro de Vigo

Colaboración artística entre o IES García Barros e o CEIP Pérez Viondi

O alumnado do bacharelato de artes do IES Manuel García Barros e o seu profesor, Mariano, estiveron hoxe decorando a parede do patio do ximnasio do CEIP Pérez Viondi, dentro do programa Traballando xuntos, do que formamos parte tódolos centros educativos de A Estrada.

Así foi recollida a noticia en:

Faro de Vigo

Os centros educativos da Estrada no Día de Rosalía no Mome

Todos os centros educativos da Estrada participaron, un ano máis, no Día de Rosalía, que o concello da Estrada organiza no MOME. O pasado 24 de marzo unha morea de rapaces e rapazas deron lectura a unha boa mostra da poesía rosaliana. O acto foi conducido por Xosé Lueiro e foi rematado musicalmente polo trío Cantar a mares, que fixo unha estupenda interpretación de varias cancións con letras rosalianas.
Aí quedan as imaxes

 CEIP Plurilingüe de Oca. Yoel Iglesias Otero, Diego  Iglesias Otero

 CEIP Pérez Viondi. Iria Sierra Silva, Abel Rodríguez González

 CEIP Figueiroa. Julián Rosende Domínguez, Kenia Souto Ríos

 CEIP O Foxo. Dolores Porto Arca, Uxía Chamosa Gañete

 CEIP Villar Paramá. Brais Tato Mejuto, Alicia Chenlo Souto

 CEIP Cabada Vázquez. Saínza Vidueiros, Ana Docampo

 IES Antón Losada Diéguez. Verónica Vázquez, Uxía Rodríguez,
Damian Campos, María Troitiño

 CPR Plurilingüe Nosa Sra de Lourdes. Manuel Pérez, Andrea Campos

 IES número un. Andrea Montero, Xose Manuel Lema

 IES García Barros. Taida Sánchez Rego, Mario Picáns Rey

 Cantar a mares

Así foi a Homenaxe a Balbino no Teatro Principal da Estrada

O pasado 29 de xaneiro, ducias de rapaces e rapazas dos centros educativos da Estrada e de Forcarei, participaron na lectura pública de Memorias dun neno labrego, a novela senlleira do recentemente finado Xosé Neira Vilas. A actividade estaba organizada pola AC Vagalumes e tivo unha moi boa resposta de público. Achegamos o video co inicio da lectura da obra.

Homenaxe a Balbino no Teatro Principal da Estrada

Hoxe venres, a partir das 7 da tarde, terá lugar a lectura colectiva e ininterrompida de Memorias dun neno labrego, a obra máis recoñecida do escritor Xosé Neira Vilas, falecido recentemente. O acto está organizado pola Asociación Cultural Vagalumes coa colaboración dos Centros Educativos da Comarca.

Parte do alumnado e profesorado do CEIP Pérez Viondi tamén participou na lectura do capítulo "O Rebusque". Aquí van algunhas fotos:

Maimiño no Teatro Principal da Estrada

As iniciativas de dinamizaestrada comezan a visibilizarse na prensa diaria. A seguir recóllense a actividade organizada polos Colexios de Primaria, que consistiu na proxección do filme Maimiño no Teatro Principal da Estrada, para o que se contou co patrocinio do Concello da Estrada. Máis de 700 rapaces e rapazas de todos os coles da Estrada participaron na iniciativa os días 26 e 27 de febreiro de 2016.
Se queres, podes poñer algún comentario nesta entrada, para dicirnos se che gustou ou non...

Neste enlace poderás ler a crónica da primeira sesión: Maimiño 1

(Foto do Faro de Vigo)

E neste outro, o da segunda: Maimiño 2

(Foto do Faro de Vigo)

Bases do III Concurso de microrrelato e micropoesía. dinamizaestrada, centros de ensino secundadrio da Estrada.

Xa se presentaron as bases da terceira edición da terceira edición do noso concurso literario. Para todas as idades e para todos os centros da Estrada. Aquí podes consultalas e mesmo descargalas para imprimir. Tamén as podes compartir nas redes sociais.

III concurso micropoemas e microrrelatos. dinamizaestrada 2016 by elogolosada

                                                                

Os premiados e premiadas verán publicados os seus traballos nun libro promovido polos Equipos de Dinamización Lingüística dos centros e editado polo Concello da Estrada. Tamén contaremos coas ilustracións dos peques de Infantil para o mesmo. E no terceiro trimestre, a 3ª Festa das Palabras no Teatro Principal. A ver se resulta tan bonita como as dúas anteriores 

Imaxe da II Festa, en 2015 

Imaxe da I Festa, en 2014