Bases do IX concurso de microrrelatos e micropoemas. Dinamizaestrada 2021-2022

Un ano máis, e outro ano especial máis, non decaemos. Está en marcha a novena edición do Concurso de microrelatos e micropoemas organizada por DINAMIZAESTRADA, Equipos de Dinamización Lingüística dos Centros Educativos da Estrada.

Este ano as palabras escollidas foron: LOITA, para os microrrelatos, e INFINDA para os micropoemas, en homenaxe aos títulos do autor escollido para as Letras Galegas do 2021, Florecio Delgado Gurriarán

Aquí podes ler, descargar, imprimir... as bases do certame. ANÍMATE E PARTICIPA!!!

VIII Festa das Palabras. Dinamizaestrada. Entrega de premios.

Recordamos a entrega de premios da oitava edición da festa das palabras que tivo lugar o pasado 1 de xuño.Tivo lugar nun Teatro Principal da Estrada sen público pero no que todos os centros estiveron presentes. 

No acto, o profesor coordinador EDLG do CEIP Cabada Vázquez, Toño Barros, fixo unha fermosa presentación na que agradeceu a todos e a todas os que fixeron posible este ano tan difícil a realización desta actividade por sétimo ano consecutivo e na que foi repasando a xeografía estradense ao convocar aos diferentes representantes dos centros educativosque recibiron un libro e un diploma en nome de todos e todas as premiadas. 

O padriño desta edición foi o profesor e escritor estradense, Xosé Luna, que subiu ao escenario para facer un eloxio das nosas letras e da nosa lingua.

O concelleiro de cultura, Juan Constenla, fixo o peche do acto cun breve discurso no que gabou o esforzo e a calidade dos traballos premiados.

Para rematar, todos os participantes fixeron unha foto de familia enriba do escenario.

A pesar da pandemia, celebramos con emoción e intensidade unha edición máis da Festa das palabras.

Posdes ver as mellores imaxes do acto picando na seguinte foto (autor: Kike Vázquez):

 

 

 

A seguir tes o video completo do evento:

Bases do VIII Concurso de microrrelatos e micropoemas. Dinamizaestrada 2020-2021

Un ano máis, e outro ano especial máis, non decaemos. Está en marcha a oitava edición do Concurso de microrelatos e micropoemas organizada por DINAMIZAESTRADA, Equipos de Dinamización Lingüística dos Centros Educativos da Estrada.

Este ano as palabras escollidas foron: CABALOS, para os microrrelatos, e LINDO para os micropoemas, en homenaxe aos títulos da autora escollidoapara as Letras Galegas do 2021, Xela Arias.

Aquí podes ler, descargar, imprimir... as bases do certame. ANÍMATE E PARTICIPA!!!

 

VII Festa das palabras. Así foi, unha celebración especial.

 

 

Este ano, tal como estaba previsto a Festa das Palabras foi diferente e especial. 

Tivo lugar o pasado 15 de decembro nun Teatro Principal da Estrada sen público pero no que todos os centros estiveron presentes. 

No acto, a profesora coordinadora do EDLG do CEIP Pérez Viondi fixo unha emotiva presentación na que agradeceu a todos e a todas os que fixeron posible este ano tan difícil a realización desta actividade por sétimo ano consecutivo.

A seguir foron subindo ao escenario as diferentes representacións de todos os centros educativos estradentes que recibiron un libro e un diploma en nome de todos e todas as premiadas. A concelleira de Educación, Amalia Goldar, fixo o peche do acto cun breve discurso no que gabou o esforzo e a calidade dos traballos premiados.

Para rematar, todos os participantes fixeron unha foto de familia enriba do escenario.

A pesar da pandemia, celebramos con emoción e intensidade unha edición máis da Festa das palabras.

Posdes ver as mellores imaxes do acto picando na seguinte foto (autor: Kike Vázquez):

 

O video da VII festa das palabras:

A Festa das palabras na prensa:

 

Faro de Vigo

La  voz de Galicia

El correo gallego

VII FESTA DAS PALABRAS. ENTREGA SIMBÓLICA DE PREMIOS NO PRINCIPAL

 Dadas as especiais circunstancias que vivimos por causa da pandemia da Covid 19 este ano vímonos na obriga de cancelar a Festa das Palabras organizada por Dinamizaestrada que se celebraba habitualmente no mes de maio, ao final de cada curso.

Aínda así, non queremos deixar de facer visible o gran traballo realizado polo alumnado e profesorado dos centros educativos estradenses no curso pasado, que se  concretou un ano máis na edición dun libro cos textos gañadores do VII Concurso de microrrelatos e micropoemas, que este ano tiñan como palabras referentes, AMIGO e CABELO respectivamente, ambas tomadas de títulos da obra do autor homenaxeado  nas Letras Galegas 2020, Ricardo Carvalho Calero.

Polo tanto realizaremos unha  ENTREGA SIMBÓLICA DE PREMIOS DO VII CONCURSO DE MICROPOEMAS E MICRORRELATOS na que tamén será presentado o libro realizado este ano, edición para á que contamos coa xenerosa colaboración do Excmo. Concello da Estrada.

Día: martes 15 de novembro

Lugar: Teatro Principal da Estrada

Hora: Inicio 19:00, remate 19:30

O acto non está aberto ao público en xeral e só participará un docente e un alumno/a en representación de cada centro, ademais dunha representación do colectivo organizador, Dinamizaestrada, e tamén do Concello da Estrada.

 

Acta do xurado do VII concurso DINAMIZAESTRADA 2020

Fíxose pública a acta do xurado do VII Concurso de micropoemas e microrrelatos dos Centros de Ensino da Estrada. A reunión do mesmo tivo lugar no CEIP Pérez Viondi, e na mesma participaron representantes dos Equipos de Dinamización Lingüística de todos os centros do concelllo: CEIP Villar Paramá, CEIP Pérez Viondi, CEIP Cabada Vázquez, CPR Plurilingüe N. S. de Lourdes, CEIP Plurilingüe de Oca, CEIP do Foxo, CEIP de Figueiroa, IES Nº 1, IES Manuel García Barros e IES Plurilingüe Antón Losada Diéguez.

Imaxe dos compoñentes do xurado

O certame dá continuidade ao proxecto iniciado o curso 2013-14 que convoca a todo o alumnado estradense á realización de micropoemas e microrrelatos. Nesta ocasión microrrelatos debían conter a palabra AMIGO, e os micropoemas a palabra CABELO. O proceso de elección tivo lugar no primeiro trimestre deste curso, e no mesmo participou o alumnado e o profesorado dos Equipos de Dinamización Lingüística de todos os centros. As palabras escollidas debían aparecer nalgún dos títulos das obras do autor ao que se dedica este ano o Día das Letras Galegas, Ricardo Carvalho Calero.

Neste segundo trimestre procedeuse á recollida de traballos e ao fallo do concurso, mentres que no terceiro trimestre terá lugar a entrega de premios e a presentación do libro cos textos gañadores, na FESTA DAS PALABRAS. Para isto contarase, unha vez máis, coa colaboración do Concello da Estrada.

Tamén se escolleron os deseños  realizados polo alumnado de Educación Infantil dos centros de Primaria, que ilustrarán as páxinas do libro cos textos gañadores, e que están inspirados nas palabras propostas. 

A ACTA PODE CONSULTARSE E DESCARGARSE AQUÍ:

VII Concurso Literario DINAMIZAESTRADA. Bases

Está en marcha a sétima edición do Concurso de microrelatos e micropoemas organizada por DINAMIZAESTRADA, Equipos de Dinamización Lingüística dos Centros Educativos da Estrada. 

Este ano as palabras escollidas foron: AMIGO, para os microrrelatos, e CABELO para os micropoemas, en homenaxe aos títulos do autor escollido para as Letras Galegas do 2020, Ricardo Carvalho Calero. 

Aquí podes ler, descargar, imprimir... as bases do certame. ANÍMATE E PARTICIPA!!!

Bases VII Concurso de Micro... by elogolosada on Scribd

Así foi a VI Festa das palabras. Dinamizaestrada 2019

 O cartel desta edición

O pasado martes, 2 de xuño tivo lugar a sexta edición da Festa das Palabras no Teatro Pricipal da Estrada.
A Festa das Palabras é o remate ao proxecto anual que levan a cabo todos os centros de ensino da Estrada, e que pecha o Concurso de micropoemas e microrrelatos coa entrega de premios aos gañadores, consistente nun libro que recolle todos os traballos e nun caravel branco.
Comezou coa intervención musical de Decotío gaiteiros, que animaron a velada coa súa música tradicional. Os presentadores e presentadoras ( Nerea Reboredo Rivas, Julián Aguiar Rodríguez, María Brey Buján, María Iglesias García) deron paso á fermosa intervención da escritora Ledicia Costas, madriña desta edición da festa.
Pouco a pouco foron entregados os premios das diferentes categorías do concurso, cunha parada musical a cargo de Decotío gaiteiros. Antes de rematar foron convidadas a subir ao escenario, a madriña da festa, a desañadora do cartel, portada do libro, marcapáxinas e diverso material gráfico, Rosa de Cabanas e o Concelleiro de Cultura, Juan Constenla que dirixiu unhas palabras aos asistentes.
A festa rematou con todos os premiados no escenario acompañando a despedida musical do evento.
A Festa esta organizada polos Equipos de Dinamización da Lingua Galega dos centros educativos da Estrada, DINAMIZAESTRADA. Os centros participantes son: CEIP Villar Paramá, CEIP Pérez Viondi, CEIP Cabada Vázquez, CPR Plurilingüe N. Sra. de Lourdes, CEIP Plurilingüe de Oca, CEIP do Foxo, CEIP de Figueiroa, IES nº Un, IES Manuel García Barros e IES Plurilingüe Antón Losada Diéguez.
Picando nesta imaxe podes ver máis fotos do evento da man de Kike Vázquez. 

E picando nestoutra, podes ver as fotos tiradas por Xabier Camba.

Este é o video completo da Festa:

A Festa na prensa:

 Na semana anterior, a festa foi presentada no concello da Estrada por parte dos centros organizadores e da Concelleira de Educación, Amalia Goldar.

Fallo do concurso literario dinamizaestrada 2019

Fíxose pública a acta do xurado do VI Concurso de micropoemas e microrrelatos dos Centros de Ensino da Estrada. A reunión do mesmo tivo lugar no CEIP Pérez Viondi, e na mesma participaron representantes dos Equipos de Dinamización Lingüística de todos os centros do concelllo: CEIP Villar Paramá, CEIP Pérez Viondi, CEIP Cabada Vázquez, CPR Plurilingüe N. Sra. de Lourdes, CEIP Plurilingüe de Oca, CEIP do Foxo, CEIP de Figueiroa, IES Nº 1, IES Manuel García Barros e IES Plurilingüe Antón Losada Diéguez.

O xurado do certame reunido no CEIP Pérez Viondi

O certame dá continuidade ao proxecto iniciado o curso 2013-14 que convoca a todo o alumnado estradense á realización de micropoemas e microrrelatos. Nesta ocasión microrrelatos debían conter a palabra LENDA, e os micropoemas a palabra SERÁN. O proceso de elección tivo lugar no primeiro trimestre deste curso, e no mesmo participou o alumnado e o profesorado dos Equipos de Dinamización Lingüística de todos os centros. As palabras escollidas debían aparecer nalgún dos títulos das obras do autor ao que se dedica este ano o Día das Letras Galegas, Antón Fraguas.

Neste segundo trimestre procedeuse á recollida de traballos e ao fallo do concurso, mentres que no terceiro trimestre, a pincipios de xuño, terá lugar a entrega de premios e a presentación do libro cos textos gañadores, na FESTA DAS PALABRAS. Para isto contarase, unha vez máis, coa colaboración do Concello da Estrada.

Tamén se escolleron os deseños  realizados polo alumnado de Educación Infantil dos centros de Primaria, que ilustrarán as páxinas do libro cos textos gañadores, e que están inspirados nas palabras propostas.

 AQUÍ PODES CONSULTAR, DESCARGAR OU IMPRIMIR A ACTA:

A NOTICIA NA PRENSA

 Voz de Galicia

Version dixital, aquí.

Faro de Vigo 

Versión dixital, aquí.

 

En marcha a VI edición do Concurso Literario DINAMIZAESTRADA

Está en marcha a SEXTA edición do Concurso de microrelatos e micropoemas organizada por DINAMIZAESTRADA, Equipos de Dinamización Lingüística dos Centros Educativos da Estrada. Este ano as palabras escollidas foron: LENDA, para os microrrelatos, e SERÁN para os micropoemas, en homenaxe aos títulos do autor escollido para o 2019 para as Letras Galegas, Antón Fraguas.
Aí tés as bases do certame. ANÍMATE E PARTICIPA!!!