CHEGA A XI FESTA DAS PALABRAS _DINAMIZAESTRADA 2024

Foi presentada unha nova edición, a undécima xa, da Festa das Palabras organizada por DINAMIZAESTRADA que culmina o concurso de micropoemas e microrrelatos no que participa o alumnado de todos os centros educativos da Estrada. Será o próximo mércores 22 de maio ás 8 da tarde no Teatro Principal da Estrada.

A festa foi presentada no Concello da Estrada nun acto no que participaron representantes dos centros educativos da Estrada, agrupados no colectivo DINAMIZAESTRADA.  No seu nome, Ana Eiriz, coordinadora do EDLG do CEIP Plurilingüe de Oca  achegou os detalles da festa e María Tato, do CEIP Pérez Viondi expuxo os obxectivos da actividade. O acto tivo como anfitrioa á concelleira de educación, Amalia Goldar, que gabou o traballo dinamizador dos centros educativos a través desta actividade que chega aos seus primeiros dez anos de vida.

Carlos Loureiro Rodríguez, escritor, investigador e profesor estradense será o padriño desta undécima edición da festa, e dirixirase aos rapaces e rapazas e público asistente o próximo martes.

Lucía Azurmendi Grupo, porá a nota musical ao evento que será presentado por un alumno e unha alumna do IES Manuel García Barros.

No acto entregaranse os premios aos 62 rapaces e rapazas gañadoras nas diferentes categorías, que consistirá nun caravel branco e nun exemplar do libro editado cos traballos vencedores. O deseño da portada e da cartelería da festa foi realizado pola deseñadora estradense Rosa de Cabanas.

A presentación na prensa:

Faro de Vigo

La Voz de Galicia

ACTA DO XURADO DO XI CONCURSO LITERARIO DINAMIZAESTRADA 24

Faise pública a acta do xurado do XI Concurso de micropoemas e microrrelatos dos Centros de Ensino da Estrada. 

A reunión do mesmo tivo lugar no CEIP Pérez Viondi, e na mesma participaron representantes dos Equipos de Dinamización Lingüística de todos os centros do concelllo: CEIP Villar Paramá, CEIP Pérez Viondi, CEIP Cabada Vázquez, CPR Plurilingüe N. S. de Lourdes, CEIP Plurilingüe de Oca, CEIP do Foxo, CEIP de Figueiroa, IES Nº 1, IES Manuel García Barros e IES Plurilingüe Antón Losada Diéguez.

O certame dá continuidade ao proxecto iniciado o curso 2013-14 que convoca a todo o alumnado estradense á realización de micropoemas e microrrelatos. Nesta ocasión os microrrelatos debían conter a palabra MÚSICA, e os micropoemas a palabra SILENCIO. O proceso de elección das palabras tivo lugar no primeiro trimestre deste curso, e no mesmo participou o alumnado e o profesorado dos Equipos de Dinamización Lingüística de todos os centros. As palabras escollidas debían aparecer nalgún dos títulos das obras da autoar a quen se dedica este ano o Día das Letras Galegas, Luísa Villalta.

Unha vez ecollidas as palabras e publicadas as bases certame, procedeuse á recollida de traballos e ao fallo do concurso, mentres que no terceiro trimestre, a finais de maio, terá lugar a entrega de premios e a presentación do libro cos textos gañadores, na FESTA DAS PALABRAS. Para isto contarase, unha vez máis, coa colaboración do Concello da Estrada.

Tamén se escolleron os deseños  realizados polo alumnado de Educación Infantil dos centros de Primaria, que ilustrarán as páxinas do libro cos textos gañadores, e que están inspirados nas palabras propostas. 

Abaixo podes consultar e descargar a acta do xurado cos gañadores e gañadoras:

BASES DO XI CONCURSO DE MICROPOEMAS E MICRORRELATOS DINAMIZAESTRADA

Un ano máis  poñemos en marcha o Concurso de microrelatos e micropoemas organizado por DINAMIZAESTRADA, Equipos de Dinamización Lingüística dos Centros Educativos da Estrada. Este curso cumprimos xa 11 convocatorias do concurso e da Festa das Palabras.

Este ano as palabras escollidas foron: MÚSICA, para os microrrelatos, e SILENCIO para os micropoemas, en homenaxe aos títulos da autora escollida para as Letras Galegas do 2024,  Luísa Villalta.

Aquí podes ler, descargar, imprimir... as bases do certame. ANÍMATE E PARTICIPA!!!

DINAMIZA TV 2023

Por segundo ano consecutivo os Equipos de dinamización lingüística, DINAMIZAESTRADA, participaron activamente no proxecto DINAMIZA TV, promovido polo Concello da Estrada. Nesta ocasión presentaron un noticieiro cun guión común, que resultou moi atractivo e dinámico. Parabéns!

Podes ver todos os videos picando AQUÍ

CRÓNICA DA X FESTA DAS PALABRAS DINAMIZAESTRADA 2023

O pasado 6 de xuño tivo lugar a décima edición da Festa das palabras no Teatro Principal da Estrada. O evento, organizado por DINAMIZAESTRADA, logrou encher de público o patio de butacas do teatro estradense.

Os máis de 60 premiados e premiadas recolleron o seu correspondente exemplar do libro editado cos traballos gañadores.

O acto estivo conducido por Iria Cancela Fontao e Pablo García Villamor, do IES Nº 1 e contou co magnífico acompañamento musical do grupo Proxecto Valladares que estudan e difunden a música dos irmáns Marcial e Avelina Valladares. 

A madriña desta edición, a escritora Charo Golmar dedicou unhas fermosas palabras a todos e todas as premiadas, así como ao público asistente.

En representación do Concello da Estrada, Juan Constenla, concelleiro de cultura. dirixiu aos presentes unhas palabras de loubanza do seu traballo.

Premendo na imaxe poderás ver máis fotografías do acto:

Tamén podes gozar co vídeo completo da festa:

 A festa foi recollida amplamente nos medios de comunicación locais:

Radio Estrada

Faro de Vigo

Voz de Galicia

PRESÉNTASE A X EDICIÓN DA FESTA DAS PALABRAS DINAMIZAESTRADA

 

A Festa das Palabras que pon o ramo ao concurso de micropoemas e microrrelatos chega á súa décima edición e celebrarase o próximo martes 6 de xuño no Teatro principal da Estrada

A festa foi presentada no Concello da Estrada nun acto no que participaron representantes dos centros educativos da Estrada, agrupados no colectivo DINAMIZAESTRADA.  En nome deles, Mónica Mato, coordinadora do EDLG do IES Nº 1  achegou os detalles da festa e Víctor López, do CPR Plurilingüe N. S. de Lourdes, expuxo os obxectivos da actividade. O acto tivo como anfitrión ao concelleiro de cultura, Juan Constenla, que gabou o traballo dinamizador dos centros educativos a través desta actividade que chega aos seus primeiros dez anos de vida.

Charo Golmar, escritora lalinense será a madriña desta décima edición da festa, e dirixirase aos rapaces e rapazas e público asistente o próximo martes.

O grupo de música Proxecto Valladares, porá a nota musical ao evento que será presentado por rapaces do IES Nº 1.

No acto entregaranse os premios aos 62 rapaces e rapazas gañadoras nas diferentes categorías, que consistirá nun caravel branco e nun exemplar do libro editado cos traballos vencedores. O deseño da portada e da cartelería da festa foi realizado pola deseñadora estradense Rosa de Cabanas.

A presentación na prensa:

La Voz de Galicia

Faro de Vigo

ACTA DO XURADO DO CONCURSO DE MICROPOEMAS E MICRORRELATOS. DINAMIZAESTRADA 2023

Faise pública a acta do xurado do X Concurso de micropoemas e microrrelatos dos Centros de Ensino da Estrada. 

A reunión do mesmo tivo lugar no CEIP Pérez Viondi, e na mesma participaron representantes dos Equipos de Dinamización Lingüística de todos os centros do concelllo: CEIP Villar Paramá, CEIP Pérez Viondi, CEIP Cabada Vázquez, CPR Plurilingüe N. S. de Lourdes, CEIP Plurilingüe de Oca, CEIP do Foxo, CEIP de Figueiroa, IES Nº 1, IES Manuel García Barros e IES Plurilingüe Antón Losada Diéguez. 

O certame dá continuidade ao proxecto iniciado o curso 2013-14 que convoca a todo o alumnado estradense á realización de micropoemas e microrrelatos. Nesta ocasión os microrrelatos debían conter a palabra CAMIÑO, e os micropoemas a palabra ESPELLO. O proceso de elección das palabras tivo lugar no primeiro trimestre deste curso, e no mesmo participou o alumnado e o profesorado dos Equipos de Dinamización Lingüística de todos os centros. As palabras escollidas debían aparecer nalgún dos títulos das obras do autor a quen se dedica este ano o Día das Letras Galegas, Francisco Fernández del Riego.

Unha vez ecollidas as palabras e publicadas as bases certame, procedeuse á recollida de traballos e ao fallo do concurso, mentres que no terceiro trimestre, a finais de maio, terá lugar a entrega de premios e a presentación do libro cos textos gañadores, na FESTA DAS PALABRAS. Para isto contarase, unha vez máis, coa colaboración do Concello da Estrada.

Tamén se escolleron os deseños  realizados polo alumnado de Educación Infantil dos centros de Primaria, que ilustrarán as páxinas do libro cos textos gañadores, e que están inspirados nas palabras propostas. 

A ACTA PODE CONSULTARSE E DESCARGARSE AQUÍ:

 A nova foi recollida nás páxinas dos xornais:

Faro de Vigo

La Voz de Galicia

BASES DO X CONCURSO DE MICRORRELATOS E MICROPOEMAS. DINAMIZAESTRADA 2022-2023

 

Cumprimos 10 edicións!

Un ano máis  poñemos en marcha o Concurso de microrelatos e micropoemas organizado por DINAMIZAESTRADA, Equipos de Dinamización Lingüística dos Centros Educativos da Estrada. Este curso cumprimos xa 10 convocatorias do concurso e da Festa das Palabras.

Este ano as palabras escollidas foron: CAMIÑO, para os microrrelatos, e ESPELLO para os micropoemas, en homenaxe aos títulos do autor escollido para as Letras Galegas do 2023, Francisco Fernández del Riego.

Aquí podes ler, descargar, imprimir... as bases do certame. ANÍMATE E PARTICIPA!!!

ASÍ FOI A IX FESTA DAS PALABRAS

 O pasado 25 de maio tivo lugar a novena edición da Festa das palabras no Teatro Principal da Estrada. O evento, organizado por DINAMIZAESTRADA, logrou encher de público o patio de butacas do teatro estradense, despois de dúas edicións limitadas pola pandemia.

Os máis de 60 premiados e premiadas recolleron o seu correspondente exemplar do libro editado cos traballos gañadores.

O acto estivo conducido por Cristian Rivadabia e Inés López, do IES Losada Diéguez e contou co magnífico acompañamento musical do grupo cuntiense FAVORITA.

En representación do Concello da Estrada, Amalia Goldar, concelleira de Educación dirixiu aos presentes unhas palabras de loubanza do seu traballo.

Premendo na imaxe poderás ver máis fotografías do acto:

 

 

E por suposto o vídeo completo da festa:

 

 

E para rematar, a repercusión da festa na prensa. O curso que vén, máis.

Faro de Vigo

Voz de Galicia

DINAMIZAESTRADA PARTICIPA ACTIVAMENTE NO PROXECTO DINAMIZATV

Os Equipos de dinamización da lingua galega, DINAMIZAESTRADA, de todos os centros educativos da Estrada participan activamente no proxecto que este curso botou a andar o Concello da Estrada.

DINAMIZATV xurdiu co obxectivo de promover o uso do galego entre entre a xente xove dos nosos centros, apostando decididamente polo eido audiovisual, coa creación dun NOTICIEIRO en cada un dos centros escolares no que tiveron cabida os vídeos creados polos propios alumnos e ao que se deu forma final cunha gravación no Teatro Principal estradense, e posterior edición e montaxe a cargo de Lucas Terceiro. Achegamos un par de imaxes destas gravacións:

 

CEIP Villar Paramá

 

 

IES Pl. Antón Losada Diéguez 

Os Equipos de dinamización estradenses sumáronse á iniciativa dende o primeiro momento e despois de meses de traballo están a ser presentados os resultados desta iniciativa.

Xa foron emitidos os espazos correspondentes ao IES García Barros e ao CEIP Plurilingüe de Oca. Nas seguintes datas iranse estreando as producións do resto dos centros: 25, 27 e 30 de maio e 1, 3, 6, 8 e 10 de xuño.

 

IES García Barros

Todos eles poden e poderán verse na seguinte ligazón: https://bit.ly/3Ltl6Bu

A actividade tivo unha excelente acollida na prensa escrita:

Faro de Vigo

 

El Correo Gallego

 

La Voz de Galicia